എവിടെ ഒറ്റപ്പെട്ടുപോയാലും 112-ല് വിളിക്കാമെന്ന് കേരള പൊലീസ്
കോഴിക്കോട്: എവിടെ ഒറ്റപ്പെട്ടുപോയാലും 112-ല് വിളിക്കാമെന്ന അറിയിപ്പുമായി കേരള പൊലീസ്. കേരള പൊലീസിെൻറ ഫേസ് ബുക്ക് പേജിലൂടെയാണ് നേരത്തെ നിലവിലുള്ള ഈ നമ്ബർ വീണ്ടും പോസ്റ്റ് ചെയ്തത്.
ഇതോടെ, അനുകൂലിച്ചും പ്രതികൂലിച്ചു കമന്റുകള് നിറയുകയാണ്.
അടിയന്തര സേവനങ്ങള്ക്ക് രാജ്യം മുഴുവൻ ഒറ്റ കണ്ട്രോള് റൂം നമ്ബറിലേയ്ക്ക് മാറുന്നതിന്റെ ഭാഗമായുള്ള ERSS (Emergency Response support System) സംവിധാനത്തിന്റെ ഭാഗമായാണ് പൊലീസ് സേവനങ്ങള് 100 ല് നിന്ന് 112 എന്ന നമ്ബറിലേയ്ക്ക് മാറ്റിയത്. പൊലീസ്, ഫയർഫോഴ്സ് (ഫയർ & റെസ്ക്യൂ), ആംബുലൻസ് എന്നിവ ഉള്പ്പെടെയുള്ള അടിയന്തര സേവനങ്ങള് ലഭിക്കാൻ ഇനി 112 ലേയ്ക്ക് വിളിച്ചാല് മതിയാകും. കേരളത്തില് എവിടെ നിന്ന് 112 ലേക്ക് വിളിച്ചാലും പൊലീസ് ആസ്ഥാനത്തെ കേന്ദ്രീകൃത കണ്ട്രോള് റൂമിലേക്കാവും കാള് എത്തുന്നത്. ഉദ്യോഗസ്ഥർ അതിവേഗം വിവരങ്ങള് ശേഖരിച്ച് സേവനമെത്തേണ്ട സ്ഥലത്തിന് സമീപമുള്ള പൊലീസ് വാഹനത്തിലേയ്ക്ക് സന്ദേശം കൈമാറും.
ജി.പി.എസ് സഹായത്തോടെ ഓരോ പൊലീസ് വാഹനവും എവിടെയുണ്ടെന്ന് കണ്ട്രോള് റൂമില് അറിയാനാകും. ആ വാഹനത്തില് ഘടിപ്പിച്ച ടാബിലേക്കാണ് സന്ദേശമെത്തിക്കുന്നത്. ഇതനുസരിച്ച് പൊലീസുകാർക്ക് അതിവേഗം പ്രവർത്തിക്കാം. ജില്ല കണ്ട്രോള് റൂമികളിലേയ്ക്കും സമാനമായി സന്ദേശം നല്കും.ഔട്ട് ഗോയിങ് സൗകര്യം ഇല്ലാത്തതോ താത്കാലികമായി പ്രവർത്തന രഹിതമായിരിക്കുന്നതോ ആയ നമ്പറില് നിന്നു പോലും എമർജൻസി നമ്ബറിലേയ്ക്ക് വിളിക്കാം. മൊബൈല് ഫോണുകളില് നിന്നും ലാൻഡ് ഫോണില് നിന്നും ഈ സൗകര്യം ലഭ്യമാണ്. പൊലീസിെൻറ ഔദ്യോഗിക മൊബൈല് ആപ്പായ പോല് ആപ്പിലെ SoS ബട്ടണ് വഴിയും നിങ്ങള്ക്ക് ഈ സേവനം പ്രയോജനപ്പെടുത്താം. ഈ സംവിധാനം 24 മണിക്കൂറും ലഭ്യമാണ്. അടിയന്തരസഹായങ്ങള്ക്ക് വേണ്ടി മാത്രം ഈ സേവനം പ്രയോജനപ്പെടുത്താൻ പ്രത്യേകം ശ്രദ്ധിക്കണെമന്നും പൊലീസ് അറിയിക്കുന്നു