സപ്ലൈകോ പത്തിനം സാധനങ്ങള് അടങ്ങിയ ബക്രീദ് സ്പെഷല് കിറ്റ് 26 വരെ
കൊ ച്ചി: പെരുന്നാളിനോട് അനുബന്ധിച്ച് സപ്ലൈകോ പത്തിനം സാധനങ്ങള് അടങ്ങിയ ബക്രീദ് സ്പെഷല് കിറ്റ് ഒരുക്കി.സപ്ലൈകോ വില്പനശാലകളില് 26 വരെ കിറ്റ് ലഭിക്കും.1101 രൂപയുടെ ഭക്ഷ്യസാധനങ്ങളാണ് 850 രൂപയ്ക്കു നല്കുന്നത്.
മൂന്നു കിലോ ബിരിയാണി അരി, ഒരു കിലോ പഞ്ചസാര, ഒരു ലിറ്റര് ശബരി വെളിച്ചെണ്ണ, ഒരു കിലോ ശബരി അപ്പപ്പൊടി, ശബരി ബ്രാന്ഡിലുള്ള 250 ഗ്രാം ഗോള്ഡ് ചായപ്പൊടി, 100 ഗ്രാം മീറ്റ് മസാല, 50 ഗ്രാം ഗരം മസാല, 100 ഗ്രാം ചിക്കന് മസാല, 100 ഗ്രാം കുരുമുളകുപൊടി എന്നിവ അടങ്ങിയതാണു കിറ്റ്. ഏലക്കായ, ഗ്രാമ്പു എന്നിവ ഉള്പ്പെടുന്ന 50 ഗ്രാം മസാലക്കൂട്ടും കിറ്റിലുണ്ട്