കേരളത്തില് കനത്ത മഴ കനക്കും: രണ്ടിടത്ത് ഓറഞ്ച് അലര്ട്ട്
തിരുവനന്തപുരം: സംസ്ഥാനത്ത് മഴ ശക്തമാകുന്നു. മധ്യ-വടക്കന് കേരളത്തില് വരും മണിക്കൂറുകളില് മഴ കൂടുതല് കടുക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്.
ഇതിന്റെ അടിസ്ഥാനത്തില് വിവിധ ജില്ലകളില് ജാഗ്രതാ നിര്ദ്ദേശങ്ങള് പുറപ്പെടുവിച്ചു.
ഇടുക്കി, മലപ്പുറം അതിശക്തമായ മഴയ്ക്കുള്ള സാധ്യത ഉള്ളതിനാല് ഇടുക്കി മലപ്പുറം ജില്ലകില് ഓറഞ്ച് അലേര്ട്ടാണ്. അതേസമയം, എറണാകുളം, കോട്ടയം, തൃശ്ശൂര്, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് എന്നീ എട്ട് ജില്ലകളില് യെല്ലോ അലേര്ട്ടാണ് പ്രഖ്യാപിച്ചിരിക്കുന്നത്.
മഴയ്ക്കൊപ്പം തന്നെ ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. കടല് പ്രക്ഷുബ്ധമാകാന് സാധ്യതയുള്ളതിനാല് കേരള തീരത്തുനിന്നുള്ള മത്സ്യബന്ധനത്തിന് കര്ശന വിലക്കേര്പ്പെടുത്തിയിട്ടുണ്ട്. വരും ദിവസങ്ങളിലും സംസ്ഥാനത്ത് മഴ തുടരുമെന്നാണ് റിപ്പോര്ട്ടുകള് സൂചിപ്പിക്കുന്നത്.